Thursday , December 14 2017
Breaking News
Home / latest-update / இந்தியா 536 ரன்கள் குவித்து டிக்ளேர்: 2-வது நாள் முடிவில் இலங்கை 131/3

இந்தியா 536 ரன்கள் குவித்து டிக்ளேர்: 2-வது நாள் முடிவில் இலங்கை 131/3

இந்தியா 536 ரன்கள் குவித்து டிக்ளேர்: 2-வது நாள் முடிவில் இலங்கை 131/3

இந்தியா – இலங்கை இடையிலான 3-வது மற்றும் கடைசி டெஸ்ட் கிரிக்கெட் போட்டி டெல்லி பெரோஸ் ஷா கோட்லா மைதானத்தில் நேற்று தொடங்கியது. டாஸ் வென்ற இந்திய அணி பேட்டிங் தேர்வு செய்தது.

முரளி விஜய் (155) மற்றும் விராட் கோலியின் சதத்தால் இந்தியா முதல்நாள் ஆட்ட முடிவில் 4 விக்கெட் இழப்பிற்கு 371 ரன்கள் குவித்தது. விராட் கோலி 156 ரன்களுடனும், ரோகித் சர்மா 6 ரன்களுடனும் களத்தில் இருந்தனர்.

இன்று 2-வது நாள் ஆட்டம் தொடங்கியது. இருவரும் சிறப்பான ஆட்டத்தை வெளிப்படுத்தினார்கள். விராட் கோலி தனத 6-வது இரட்டை சதத்தை பூர்த்தி செய்தார். ரோகித் சர்மா 65 ரன்கள் எடுத்த நிலையில் ஆட்டம் இழந்தார். இன்று டெல்லியில் காற்று மாசு அதிகமாக இருந்தது. இதனால் இலங்கை வீரர்கள் பாதிக்கப்பட்டனர்.

விராட் கோலி இரட்டை சதம் அடித்தபின்னர் காற்று மாசு காரணமாக ஆட்டம் சுமார் 15 நிமிடங்கள் நிறுத்தப்பட்டது. அதன்பின் ஆட்டம் தொடங்கியதும் விராட் கோலி 243 ரன்கள் எடுத்த நிலையில் ஆட்டம் இழந்தார்.

இலங்கை அணியின் லக்மல், காமகே காற்று மாசு காரணமாக மைதானத்தை விட்டு வெளியேறினார்கள். மேலும், சமரவிக்ரமா காயத்தால் களம் இறங்கவில்லை. இலங்கை அணி மூன்று மாற்று வீரர்களை களம் இறக்க திணறியது. இந்திய அணியில் இருந்து ஒரு வீரரை பீல்டிங் செய்ய அனுப்பலாமா? என்ற ஆலோசனை நடைபெற்றது.

அதற்குள் விராட் கோலி முதல் இன்னிங்சை டிக்ளேர் செய்வதாக அறிவித்தார். அப்போது இந்தியா முதல் இன்னிங்சில் 127.5 ஓவரில் 7 விக்கெட் இழப்பிற்கு 536 ரன்கள் எடுத்திருந்தது. அத்துடன் முதல் இன்னிங்சை இந்தியா டிக்ளேர் செய்தது.

பின்னர் இலங்கை முதல் இன்னிங்சை தொடங்கியது, மொகமது ஷமி முதல் ஓவரை வீசினார். தில்ருவான் பெரேரா, கருணரத்னே தொடக்க வீரர்களாக களம் இறங்கினார்கள். ஆட்டத்தின் முதல் பந்திலேயே கருணரத்னே ஆட்டம் இழந்தார்.

அடுத்து வந்த டி சில்வா 1 ரன்கள் எடுத்த நிலையில் ஆட்டம் இழந்தார். 3-வது விக்கெட்டுக்கு பெரேரா உடன் மேத்யூஸ் ஜோடி சேர்ந்தார். இந்த ஜோடி ஓரளவிற்கு தாக்குப்பிடித்து விளையாடியது. இலங்கையின் ஸ்கோர் 75 ரன்னாக இருக்கும்போது பெரேரா ஜடேஜா பந்தில் எல்.பி.டபிள்யூ. ஆனார். அவர் 54 பந்தில் 42 ரன்கள் சேர்த்தார்.

4-வது விக்கெட்டுக்கு மேத்யூஸ் உடன் சண்டிமல் ஜோடி சேர்ந்தார். இந்த ஜோடி 2-வது நாள் ஆட்ட முடிவில் மேலும் விக்கெட் இழக்காமல் பார்த்துக் கொண்டது. இலங்கை 44.3 ஓவரில் 3 விக்கெட் இழப்பிற்கு 131 ரன்கள் சேர்த்ததுள்ளது. மேத்யூஸ் 57 ரன்னுடனும், சண்டிமல் 25 ரன்னுடனும் களத்தில் உள்ளனர். தற்போது வரை இலங்கை அணி 405 ரன்கள் பின்தங்கிய நிலையில் உள்ளது.

About admin

Check Also

மீண்டும் ரசிகர்களை சந்திக்கிறார் ரஜினிகாந்த்

கடந்த மே மாதம் ரசிகர்களை சந்தித்த ரஜினிகாந்த், தற்போது மீண்டும் சந்திக்கும் நாட்களை வெளியிட்டிருக்கிறார். கடந்த மே மாதம் கரூர், …

Leave a Reply

Your email address will not be published. Required fields are marked *

*