விவசாயிகளின் பெருந்தொகை நெல் தொடர்பில் வெளியான தகவல்
நெல் சந்தைப்படுத்தல் சபை இதுவரை சிறுபோக அறுவடையிலிருந்து ஆறு லட்சம் கிலோகிராம் நெல் கொள்முதல் செய்துள்ளது.
அதன்போது, அம்பாறை மாவட்டத்திலிருந்து அதிக அளவு நெல் கொள்முதல் செய்யப்பட்டுள்ளதாக சபையின் தலைவர் மஞ்சுள பின்னலந்த தெரிவித்துள்ளார்.
கூடுதலாக, வட மாகாணம் மற்றும் புத்தளம் மாவட்டங்களிலிருந்து நெல் சந்தைப்படுத்தல் சபை நெல் இருப்புகளைப் பெறுவதாகவும் அவர் கூறியுள்ளார்.
அநுராதபுரம் மாவட்டம் மற்றும் வடமேற்கு மாகாணத்தில் நெல் கிடங்குகளும் திறக்கப்பட்டுள்ளதாகவும் மஞ்சுள பின்னலந்த குறிப்பிட்டுள்ளார்.
ஒரு கிலோகிராம் நாடு நெல் ரூ. 120க்கும், ஒரு கிலோகிராம் சம்பா நெல் ரூ. 125க்கும், ஒரு கிலோகிராம் கீரி சம்பா நெல் ரூ. 132க்கும் கொள்முதல் செய்ய அரசாங்கம் சமீபத்தில் முடிவு செய்தது, இதற்காக, கடந்த வரவு செலவு திட்டத்தில் ரூ. 6 பில்லியன் ஒதுக்கப்பட்டுள்ளமை குறிப்பிடத்தக்கது.
