லண்டன், கிழக்கு மற்றும் தென்கிழக்கு இங்கிலாந்தின் சில பகுதிகள் மற்றும் வேல்ஸில், புதியதும் கடுமையானதுமான கொரோனா முடக்கம் நடைமுறைக்கு வந்துள்ளது.

நள்ளிரவில் புதிய கட்டுப்பாடுகளுக்குள் நுழைந்த சுமார் 21 மில்லியன் மக்கள் வீட்டிலேயே இருக்கும்படி கேட்கப்பட்டுள்ளனர். அதே நேரத்தில் அத்தியாவசியமற்ற கடைகள் மற்றும் வணிக நிறுவனங்கள் மூடப்பட வேண்டும் அறிவுறுத்தப்பட்டள்ளது.

குறிப்பாக தென்கிழக்கு இங்கிலாந்தில் ஒரு புதிய அடுக்கான நான்கு அறிமுகப்படுத்தப்பட்டுள்ளது, புதிய மரபு மாற்றம் பெற்ற கொரோனா வைரஸின் மீள் எழுச்சி மற்றும் பரவுதலின் வேகம் காரணமாக இந்த அவசரகால முடக்கம் அறிவிக்கப்பட்டுள்ளது.

கிறிஸ்மஸிற்கான திட்டமிடப்பட்ட தளர்த்தல் நடவடிக்கைகள், இங்கிலாந்தின் புதிய அடுக்கு கட்டுப்பாடுகளில் உள்ளவர்களுக்கு ரத்து செய்யப்பட்டுள்ளது. இங்கிலாந்தின் பிற பகுதிகளில், ஸ்காட்லாந்து மற்றும் வேல்ஸிற்கான தளர்வுகள் உட்புற கலவை விதிகள் ஐந்து நாட்களில் இருந்து கிறிஸ்துமஸ் தினத்திற்கு மட்டுமே குறைக்கப்பட்டுள்ளன.

இந்த நிலையில் புதிய மரபு மாற்றம் பெற்ற கொரோனா வைரஸின் மீள் எழுச்சி மற்றும் பரவுதலின் வேகம் “புதிய விஞ்ஞான சான்றுகள்” வழங்கப்பட்ட பின்னர் “செயல்பாட்டு நடவடிக்கைகளில் ஈடுபடுவது எங்கள் கடமை” என சுகாதார செயலாளர் மாற் ஹான்ஹொக் தெரிவித்துள்ளார். அடுக்கு நான்கு பகுதியில் வசிக்கும் ஒவ்வொருவரும் “அவர்களுக்கு வைரஸ் இருப்பது போல் நடந்து கொள்ள வேண்டும்” எனவும் அவர் கூறியுள்ளார்.

ஒரு தடுப்பூசி உருவாகும் வரை புதிய கடினமான கட்டுப்பாடுகளின் கீழ் வாழும் மக்கள் அவற்றில் இருக்க முடியுமா என்று கேட்கப்பட்ட கேளிவிக்கு பதிலளித்த அவர், “இந்தப் புதிய மாறுபாடு எவ்வளவு வேகமாக பரவுகிறது என்பதைக் கருத்தில் கொண்டு, தடுப்பூசி கிடைக்கும் வரை அதைக் கட்டுக்குள் வைத்திருப்பது மிகவும் கடினம் எனக் குறிப்பிட்டுள்ளார்.

அத்துடன் இந்த வைரஸ் ஆபத்தானதா, தடுப்பூசிக்கு கட்டுப்படாத வீரியம் கொண்டதா என்பதை தெளிவாக இப்போதைக்கு கூறமுடியாது விட்டாலும் புதிய மரபு மாறிய வைரஸ் வேகமாகப் பரவுகின்றது என்பதை பிரித்தானிய பிரதமர் நாட்டுக்கு உறுதிப்படுத்தி உள்ளார்.

கென்ற், பக்கிங்ஹாம்ஷைர், பெர்க்ஷயர், சர்ரே (வேவர்லியைத் தவிர்த்து), கோஸ்போர்ட், ஹவந்த், போர்ட்ஸ்மவுத், ரோதர் மற்றும் ஹேஸ்டிங்ஸ் ஆகியவற்றை உள்ளடக்கிய பகுதிகளும் அடுக்கு நான்கு கட்டுப்பாடுகளுக்குள் உட்படுகின்றன. இங்கிலாந்தின் இரண்டாவது தேசிய பூட்டுதலுக்கு இணையாக – தென்கிழக்கில் உள்ள அனைத்து பகுதிகளுக்கும் இவை பொருந்தும் எனத் தெரிவிக்கப்பட்டள்ளது.

இது லண்டனிலும் (அனைத்து 32 பெருநகரங்கள் மற்றும் லண்டன் நகரம்) மற்றும் இங்கிலாந்தின் கிழக்கு (பெட்ஃபோர்ட், சென்ட்ரல் பெட்ஃபோர்ட், மில்டன் கெய்ன்ஸ், லூடன், பீட்டர்பரோ, ஹெர்ட்ஃபோர்ட்ஷைர் மற்றும் எசெக்ஸ் (கொல்செஸ்டர், உட்ஸ்போர்டு மற்றும் டெண்டரிங் தவிர) ஆகியவற்றிலும் நாக்கு அடுக்கு கட்டுப்பாடுகள் நடைமுறைக்கு வந்துள்ளன. {The tier four restrictions – similar to England’s second national lockdown – applies to all areas in the South East which were in tier three, covering Kent, Buckinghamshire, Berkshire, Surrey (excluding Waverley), Gosport, Havant, Portsmouth, Rother and Hastings. It also applies in London (all 32 boroughs and the City of London) and the East of England (Bedford, Central Bedford, Milton Keynes, Luton, Peterborough, Hertfordshire and Essex (excluding Colchester, Uttlesford and Tendring).}

புதிய பரவுதல்கள் லண்டனில் உள்ள குடும்பங்கள் மற்றும் வணிகங்களுக்கு “வேதனையையும் விரக்தியையும்” ஏற்படுத்தியுள்ளன என லண்டன் மேயர் சாதிக் கான் தெரிவித்துள்ளார்.

பிபிசியின் காலை நிகழ்ச்சியில் கலந்துகொண்ட லண்டன் மேயர் சாதிக் கான், இந்த இரவு நேர அறிவிப்பு குடும்பங்களுக்கும் வணிகங்களுக்கும் ஒரு கசப்பான அடியாகும்” எனவும், இந்த”, தொடக்கமும், நிறுத்தமும், மாற்றமும், மிகவும் வேதனை, விரக்தி, சோகம் மற்றும் ஏமாற்றத்திற்கு வழிவகுத்தது” எனக் கூறியுள்ளார்.

“நான் பயப்படுகிறேன், என்னைப் போன்றவர்களும், நாங்களும் எங்கள் மனதை மாற்றிக்கொண்டே இருக்கும்போது எங்கள் பேச்சைக் கேட்கும்படி மக்களிடம் கேட்பது மிகவும் கடினம்” என்றும் குறிப்பிட்ட அவர், எவ்வாறாயினும், “ஒரு நல்ல காரணத்திற்காக” கொண்டுவரப்பட்ட விதிகளை பின்பற்றுமாறு லண்டன் மக்களைிடம் கோரியுள்ளார். மேலும் லண்டனில் உள்ள மருத்துவமனைகளில் இந்த வார இறுதியில் அதிகமான கோவிட் நோயாளிகள் இருப்பதாக NHS தன்னிடம் கூறியதாகவும் அவர் கூறினார்.

வேலை அல்லது கல்விக்காக பயணிக்க வேண்டியவர்களுக்கு விலக்கு அளித்து, குடியிருப்பாளர்கள் வீட்டிலேயே இருக்குமாறு அறிவுறுத்தப்பட்டுள்ளது. வீட்டுக்குள் ஒன்று கலப்பது அனுமதிக்கப்படவில்லை. சிகையலங்கார நிலையங்கள், அழகுபடுத்தல் நிலையங்கள், பப்கள், பார்கள், உட்புற ஜிம்கள் மற்றும் ஓய்வு வசதிகளைக் கொடுக்கும் நிலையங்கள் உட்பட அனைத்து அத்தியாவசியமற்ற சில்லறை விற்பனை நிலையங்கள் மூடப்படவேண்டும். ஒரு திறந்த பொது இடத்தில் ஒருவரை ஒருவர் சந்திப்பதனை தவிர்து, ஒன்றுக்கு மேற்பட்ட சமூக கலவைக்கும் தடை விதிக்கப்பட்டுள்ளது. எனினும் சமூக மற்றும் மத வழிபாடு இன்னும் அனுமதிக்கப்படுகிறது. ஏனைய இடங்களில் உள்ள மக்கள் அடுக்கு நான்கு பகுதிக்கு பயணிக்க வேண்டாம் என்று அறிவுறுத்தப்பட்டுள்ளனர்.

சனிக்கிழமையன்று டவுனிங் ஸ்ட்ரீட் மாநாட்டில் அறிவிக்கப்பட்ட இங்கிலாந்திற்கான மாற்றங்கள் டிசம்பர் 30 ஆம் திகதி முதல் மீள் மதிப்பாய்வுடன் இரண்டு வாரங்களுக்கு நீடிக்கப்படும் எனத் தெரிவிக்கப்பட்டள்ளது.

வேல்ஸில், முதல் அமைச்சர் மார்க் டிரேக்ஃபோர்ட் ஏற்கனவே ஒரு முடக்கத்தை நடைமுறைப்படுத்தினார். இதன் மூலம் பெருமளவு மக்களுக்கு வைரஸின் புதிய, “மிகவும் ஆக்கிரோஷமான” பரவுதல் ஏற்படாமல் குறைத்துள்ளதாக தெரிவித்துள்ளார்.

ஸ்காட்லாந்தில், கொவிட் கட்டுப்பாடுகள் கிறிஸ்துமஸ் தினத்தன்று மட்டுமே தளர்த்தப்படும், ஸ்காட்லாந்து பிரதான பகுதி பொக்ஸிங் டேயில் இருந்து கடுமையான கட்டுப்பாடுகளின் கீழ் கொண்டுவரப்படுகிறது.

வடக்கு அயர்லாந்தில், கிறிஸ்துமஸ் கட்டுப்பாடுகளில் எந்த மாற்றங்களும் செய்யப்படவில்லை, டிசம்பர் 23 முதல் 27 வரை, மூன்று வீடுகளில் உள்ளவர்கள் சந்திக்க அனுமதிக்கப்பட்டுள்ளனர். டிசம்பர் 26 முதல் வடக்கு அயர்லாந்து ஆறு வார பூட்டுதலுக்குள் நுழைய உள்ளது.

கொரோனா வைரஸ் மாறுபாட்டின் புதிய உரு மாறுபாடு முக்கிய தொற்றுநோயாகவும், விரைவாகவும் பரவுகிறது என விஞ்ஞானிகள் எச்சரித்துள்ளனர். இதனையடுத்து பொரிஸ் தலமையிலான பிரித்தானிய அரசாங்கத்தினர் “எங்கள் பாதுகாப்பு முறையை மாற்ற வேண்டும்” என தெரிவித்துள்ளனர்.

ஒக்டோபர் நடுப்பகுதியில் முதன்முதலில் அடையாளம் காணப்பட்ட புதிய உரு மாறுபாடு மற்ற வைரஸ்களை விட வேகமாக பரவி வருவதாக கடந்த வெள்ளிக்கிழமை அரசாங்கத்தை எச்சரித்ததாக இங்கிலாந்தின் பொது சுகாதார பிரிவைச் சேர்ந்த சூசன் ஹாப்கின்ஸ் தெரிவித்தார்.

பிபிசியிடம் கருத்து தெரிவித்துள்ள வைத்திய கலாநிதி ஹாப்கின்ஸ் புதிய திரிபு உள்ளவர்களுக்கு “அதிக வைரஸ் சுமைகள்” இருப்பதற்கான ஆதாரங்களும் உள்ளன – அதாவது அவை அதிக தொற்றுநோயாக இருக்கின்றன.

புதிய மாறுபாடு ஆர் எண்ணை அதிகரிக்கக்கூடும் என்று பகுப்பாய்வு பரிந்துரைத்ததாக பிரதமர் கூறினார் – இது ஒரு தொற்றுநோய் வளர்ந்து வருகிறதா அல்லது சுருங்குகிறதா என்பதைக் குறிக்கிறது – 0.4 அல்லது அதற்கு மேற்பட்டது.

கொரோனா வைரஸின் புதிய மாறுபாடு தோன்றுவது தொடர்பாக இங்கிலாந்து அதிகாரிகளுடன் “நெருங்கிய தொடர்பில்” இருப்பதாக உலக சுகாதார நிறுவனம் தெரிவித்துள்ளது.

இதேவேளை நெதர்லாந்து அரசாங்கம் பிரித்தானியாவுடனான பயணிகள் விமானங்களை தடை செய்வதாக அறிவித்துள்ளது.