நாட்டில் நேற்றைய தினம் தொற்றுறுதியான 271 பேரில் அதிகளவானோர் யாழ்ப்பாண மாவட்டத்திலேயே பதிவாகியுள்ளனர்.

அந்த மாவட்டத்தில் நேற்றைய தினம் மாத்திரம் 77 பேருக்கு தொற்றுறுதியாகியுள்ளதாக கொவிட்-19 பரவலை தடுக்கும் தேசிய செயற்பாட்டு மத்திய நிலையம் தெரிவித்துள்ளது.

அத்துடன் கொழும்பு மாவட்டத்தில் 64 பேரும், கம்பஹா மாவட்டத்தில் 27 பேரும் நேற்றைய தினம் கொவிட்-19 தொற்றால் பீடிக்கப்பட்டுள்ளனர்.

அத்துடன் வெளிநாடுகளில் இருந்து நாடு திரும்பிய 20 பேருக்கும் நேற்று கொவிட்-19 தொற்றுறுதியானது.

இந்தநிலையில் நாட்டில் இதுவரையில் 91 ஆயிரத்து 289 பேருக்கு கொவிட்-19 தொற்றுறுதியாகியுள்ளது.

அவர்களில் 87 ஆயிரத்து 881 பேர் இதுவரையில் குணமடைந்துள்ளனர்.

தொற்றுறுதியான 2 ஆயிரத்து 851 பேர் தொடர்ந்தும் சிகிச்சை பெற்று வருகின்றனர்.

இதேவேளை யாழ்ப்பாணத்தில் மக்களுக்கு தெளிவூட்டும் செயற்பாடுகள் முன்னெடுக்கப்பட்டுள்ளதாக மாவட்ட அரசாங்க அதிபர் கணபதிபிள்ளை மகேசன் குறிப்பிட்டார்