சுகாதார அமைச்சர் நலிந்த ஜயதிஸ்ஸ இன்றையதினம்(27) யாழ்ப்பாணம் போதனா வைத்தியசாலை மற்றும் தெல்லிப்பளை புற்றுநோய் வைத்தியசாலைகளுக்கு விஜயத்தை மேற்கொண்டார்.

யாழ்.போதனைா வைத்தியசாலைக்கான் விஜயத்தின்போது வைத்தியசாலைப் பணிப்பாளர், விசேட வைத்திய நிபுணர்கள், வைத்தியர்கள், தாதிய உத்தியோகத்தர்கள், துணை மருத்துவப் பணியாளர்கள், நிர்வாக மற்றும் ஏனைய ஊழியர்கள், சிறப்பு அழைப்பாளர்கள் மற்றும் நலன் விரும்பிகள் இணைந்து அமைச்சரை வரவேற்றனர். 

யாழ்.போதனைா வைத்தியசாலை தேவைகள்

அங்கு அவர் வைத்தியசாலையின் தேவைகள் மற்றும் குறைபாடுகள் தொடர்பில் விரிவாக கேட்டறிந்தார்.

தெல்லிப்பழை புற்றுநோய் வைத்தியசாலை

அதனைத் தொடர்ந்து தெல்லிப்பழை புற்றுநோய் வைத்தியசாலைக்கு அமைச்சர் விஜயத்தை மேற்கொண்டார். அங்கு வைத்தியசாலையின் தேவைவைப்பாடுகள் அங்கு இருக்கும் நோயாளர்கள், மருந்து தேவைகள் அதன் இயங்கு நிலை உள்ளிட்ட விடயங்கள் தொடர்பில் வைத்தியர்களுடன் கலந்துரையாடினார்.

குறித்த விஜயத்தின் போது கடற்றொழில்அமைச்சர் இ.சந்திரசேகரம், வட மாகாண சுகாதார சேவைகள் பணிப்பாளர் வைத்தியர் ஆ.கேதீஸ்வரன், யாழ்ப்பாணம் போதனா வைத்தியசாலையின் பணிப்பாளர் வைத்தியர் த. சத்தியமூர்த்தி தெல்லிப்பழை வைத்தியசாலையின் பணிப்பாளர் மற்றும் வைத்தியர்கள், தாதியர்கள் உண்டுட்டோர் கலந்து கொண்டனர்.