தென்னிந்திய சினிமாவில் முன்னணி நடிகையாக வலம் வருபவர் நடிகை திரிஷா. திரைப்படங்கள் மட்டுமின்றி சமூக வலைத்தளங்களிலும் தொடர்ந்து கவனம் ஈர்த்து வரும் இவர், விலங்குகள் நலன் தொடர்பான பல்வேறு செயல்பாடுகளிலும் ஆர்வம் காட்டி வருகிறார்.

அந்த வகையில், இந்த ஆண்டு தீபாவளியை முன்னிட்டு திரிஷா வெளியிட்டுள்ள இன்ஸ்டாகிராம் பதிவு ரசிகர்களின் கவனத்தை ஈர்த்துள்ளது.

ஆதரவற்ற நாய்களுக்கு உணவு வழங்கும் முயற்சி!

இந்த தீபாவளிக்கு தான் ஒரு சிறப்பான காரியத்தைச் செய்யப்போவதாகத் தெரிவித்துள்ள திரிஷா, மீட்கப்பட்ட ஆதரவற்ற நாய் ஒன்றின் உணவுச் செலவை ஏற்கப்போவதாகக் குறிப்பிட்டுள்ளார்.

மேலும், வெறும் 1,000 ரூபாய் வழங்கினால் மீட்கப்பட்ட ஒரு நாய்க்கு ஒரு மாதம் முழுவதும் உணவு வழங்க முடியும் என்றும் தெரிவித்துள்ளார். இதன் மூலம் அந்த நாயின் 30 நாட்களுக்கான உணவுத் தேவையைப் பூர்த்தி செய்ய முடியும் என்பதையும் சுட்டிக்காட்டியுள்ளார்.

ரசிகர்களுக்கும் விடுத்துள்ள வேண்டுகோள்!

தான் முன்னெடுக்கும் இந்த முயற்சியில் ரசிகர்களும் இணைய வேண்டும் எனக் கேட்டுக்கொண்டுள்ள திரிஷா, ரூ.1,000 நன்கொடை வழங்கி ஒரு நாயின் உணவுக்கு ஆதரவளிக்குமாறு அழைப்பு விடுத்துள்ளார்.

இதற்காக விலங்குகள் நல அமைப்பான புளூ கிராஸ் ஆஃப் இந்தியாவுக்கு நிதியுதவி வழங்குமாறும் தெரிவித்துள்ளார்.

வழக்கமான தீபாவளிக் கொண்டாட்டங்களைத் தாண்டி, ஆதரவற்ற விலங்குகளின் பசியைப் போக்க முன்வந்துள்ள திரிஷாவின் இந்த முயற்சி இணையத்தில் பாராட்டுகளைப் பெற்று வருகிறது.