நவரச நாயகன் கார்த்திக் நடிக்கும் படத்தில் சன்னி லியோன்  கவர்ச்சி நடனம் ஆடவுள்ளதாக தகவல்கள் வெளியாகியுள்ளன.

நவரச நாயகன் கார்த்திக் பல வருடங்களுக்குப் பிறகு  'தீ இவன்“படத்தில் கதாநாயகனாக நடித்துவருகிறார்.

இதனை ரோஜா மலரே,  அடடா என்ன அழகு போன்ற படங்களை இயக்கியவரும், விஜய்சேதுபதியின் சிந்துபாத் படத்தை தயாரித்தவருமான டி.எம் ஜெயமுருகன் இயக்கிவருகிறார்.

அத்துடன் இப்படத்துக்கு அவரே இசையமைத்துள்ளதோடு கதை, திரைக்கதை, வசனம், பாடல்களையும் எழுதி இருக்கிறார். நடிகர் கார்த்திக்கிற்கு ஜோடியாக சுகன்யா நடித்துள்ளார்.

மேலும் ஐஸ்வர்யா லட்சுமி, சேது அபிதா, ஜான் விஜய், சிங்கம்புலி, இளவரசு ஆகியோர் முக்கிய கதாபாத்திரங்களில் நடித்துள்ளனர்.

இதன் படப்பிடிப்புகள் சென்னையிலும் ,மும்பையிலுள்ள நடைபெறவுள்ளது. மும்பையில் நடைபெற இருக்கும் படப்பிடிப்பில், நடிகை சன்னி லியோன் நடிக்கும் கவர்ச்சி நடன பாடல் காட்சி படமாக்கப்பட உள்ளதாக தகவல் வெளியாகியுள்ளது.

நடிகை சன்னி லியோன் ஏற்கனவே தமிழில் ஜெய் நடித்த வடகறி படத்தில் கவர்ச்சி நடனம் ஆடி இருந்தமை குறிப்பிடத்தக்கது