31 வயது காதலனை தேடி இந்தியா வந்த கனடா அன்ரிக்கு காத்திருந்த அதிர்ச்சி
டேட்டிங் செயலி மூலம் ஏற்பட்ட காதலை திருமணம் செய்ய கனடாவில் இருந்து வந்த 61 வயது அன்ரியை காதலன் கைபிடிக்க மறுத்ததால் கனடா தூதரககம் வரை சம்பவம் சென்றுள்ளதாக தெரிவிக்கப்படுகின்றது.
சம்பவம் தொடர்பில் மேலும் தெரியவருகையில், இந்தியா ஹரியானா மாநிலம் பானிபட்டைச் சேர்ந்த 31 வயது ஆசிரியர் நிதின் என்பவருக்கும், கனடாவைச் சேர்ந்த பெண்ணொருவருக்கும் டேட்டிங் செயலி மூலம் ஓராண்டுக்கு முன்பு பழக்கம் ஏற்பட்டு, அது திருமணம் வரை சென்றுள்ளது.

31 வயது காதலன் அதிர்ச்சி
திருமணத்திற்காக அந்தப் பெண் சுற்றுலா விசாவில் (Tourist Visa) கடந்த நவம்பர் 11-ஆம் தேதி டெல்லி வந்துள்ளார்.
நிதின் அவரை அழைத்துக்கொண்டு ராஜஸ்தான் மாநிலம் நீம்ரானாவில் உள்ள உறவினர் வீட்டில் தங்கியுள்ளார். நேரில் சந்தித்துப் பேசியபோது, அந்தப் பெண்ணுக்கு 61 வயது என்பது தெரியவந்துள்ளது.
தன்னை விட 30 வயது மூத்தவர் என்பதை அறிந்து அதிர்ச்சியடைந்த நிதின், திருமணத்திற்கு மறுப்பு தெரிவித்துள்ளார்.

இதனால் இருவருக்கும் இடையே வாக்குவாதம் ஏற்பட்ட நிலையில், அந்தப் பெண் கனடா தூதரகத்தைத் தொடர்பு கொண்டு புகார் அளித்துள்ளார். தூதரகத்தின் தகவலின் பேரில் நீம்ரானா காவல்துறையினர் இருவரையும் விசாரித்தனர்.
பொது அமைதிக்கு இடையூறு விளைவித்ததாகக் கைது செய்யப்பட்ட நிதின் பின்னர் ஜாமீனில் விடுவிக்கப்பட்டார். அந்தப் பெண் கோட்புட்லியில் உள்ள பராமரிப்பு நிலையத்தில் தங்க வைக்கப்பட்டு, பாதுகாப்பாக கனடாவுக்குத் திருப்பி அனுப்பும் ஏற்பாடுகள் நடைபெற்று வருகின்றன.