உப்பு இறக்குமதி தொடர்பில் வெளியான அதிர்ச்சி தகவல்
தற்போது நிலவும் பாதகமான வானிலை காரணமாக இறக்குமதி செய்யப்பட்ட உப்பு இலங்கைக்கு வருவது இன்னும் சில நாட்கள் தாமதமாகலாம் என்று தேசிய உப்பு நிறுவனம் தெரிவித்துள்ளது.
தற்போதைய உப்பு பற்றாக்குறைக்கு தீர்வாக, இந்தியாவிலிருந்து இறக்குமதி செய்யப்பட்ட உப்பு நேற்று (மே 21) இரவு இலங்கைக்கு வர திட்டமிடப்பட்டிருந்தது.
தனியார் துறையிலிருந்து இறக்குமதி செய்யப்பட்ட 250 மெட்ரிக் டன் உப்பு மற்றும் தேசிய உப்பு நிறுவனத்தால் இறக்குமதி செய்யப்பட்ட 2,800 மெட்ரிக் டன் உப்பு உட்பட 3,050 மெட்ரிக் டன் உப்பு கையிருப்பு நாட்டிற்கு வரவிருந்தது.
இருப்பினும், பாதகமான வானிலை காரணமாக உப்பு இறக்குமதி சில நாட்களுக்கு தாமதமாகலாம் என்று தேசிய உப்பு நிறுவனம் தெரிவித்துள்ளது.
அதன் பிறகு உப்பு இறக்குமதி தொடர்ந்து நடைபெறும் என்று கூறிய அந்நிறுவனம், சந்தையில் உப்பு பற்றாக்குறையை இது குறைக்கும் என்றும் வலியுறுத்தியுள்ளது.
