யாழில் பயங்கரம் : பாடசாலையிலிருந்து மகளை ஏற்றிச் சென்ற தந்தை தொடருந்து மோதி பலி : மகள் படுகாயம்
பாடசாலையில் இருந்து மகளை ஏற்றி சென்ற தந்தை தொடருந்து விபத்தில் சிக்கி உயிரிழந்துள்ள நிலையில் , பாடசாலை மாணவியான மகள் படுகாயமடைந்த நிலையில் யாழ்.போதனா வைத்தியசாலையில் அனுமதிக்கப்பட்டுள்ளார்
யாழ் மாவட்ட செயலகத்தில் கடமையாற்றும் பணியாளரான நாகராசா சூரியகுமார் என்பவரே இவ்வாறு உயிரிழந்தார்.
யாழ்ப்பாணம் அரியாலை புங்கன்குளம் தொடருந்து நிலையத்திற்க்கு அருகிலேயே குறித்த விபத்து இடம்பெற்றுள்ளது
தொடருந்துடன் மோட்டார் சைக்கிள் மோதி விபத்து
பாடசாலை முடிந்து மகளை மோட்டார் சைக்கிளில் ஏற்றிக்கொண்டு ,வீடு நோக்கி தந்தை பயணித்துக்கொண்டிந்த வேளை , புங்கன்குளம் தொடருந்து கடவையை கடக்க முற்பட்டவேளை , தொடருந்துடன் மோட்டார் சைக்கிள் மோதி விபத்து ஏற்பட்டுள்ளது
விபத்தில் தந்தை சம்பவ இடத்திலேயே உயிரிழந்துள்ள நிலையில் , மகள் படுகாயமடைந்த நிலையில் , யாழ். போதனா வைத்தியசாலையில் அனுமதிக்கப்பட்டுள்ளார்
பாதுகாப்பற்ற கடவை
விபத்து சம்பவம் தொடர்பாக யாழ்ப்பாணம் காவல்துறையினர் விசாரணைகளை மேற்கொண்டு வருகின்றனர்.
விபத்து நடந்த குறித்த தொடருந்து கடவையில் நீண்ட காலமாக ஊழியர்கள் கடமையில் இல்லை எனவும் ஒலி சமிக்ஞை உரிய முறையில் இயங்குவதில்லை எனவும் பாதுகாப்பற்ற முறையில் கடவை காணப்படுவதாகவும் இதனால் அடிக்கடி விபத்துக்கள் இடம்பெறுவதாகவும் அப்பகுதி மக்கள் விசனம் தெரிவித்ததுடன் மேலும் இது தொடர்பில் இனியாவது உரிய அதிகாரிகள் கவனம் செலுத்த வேண்டும் என கோரிக்கை விடுத்தனர்.
