இன்றைய காலத்தில் பெரும்பாலான வீடுகளில் Wi-Fi பயன்பாடு சாதாரணமாகிவிட்டது. ஆனால், தங்களது Wi-Fi-யை அனுமதியின்றி வேறு யாராவது பயன்படுத்துகிறார்களா என்பதை பலரும் கவனிப்பதில்லை.

இணைய வேகம் திடீரென குறைவது, Data வழக்கத்தை விட விரைவாக தீர்வது அல்லது எந்த சாதனமும் பயன்படுத்தாத நேரத்திலும் ரவுட்டரின் விளக்குகள் தொடர்ந்து ஒளிர்வது போன்றவை Wi-Fi-யில் சந்தேகத்திற்கிடமான செயல்பாடுகள் இருப்பதற்கான அறிகுறிகளாக இருக்கலாம்.

இதனை உறுதிப்படுத்த, ரவுட்டரின் Admin Panel-ல் உள்நுழைந்து Connected Devices பட்டியலைச் சரிபார்க்கலாம். அதில் உங்களுக்குத் தெரியாத சாதனங்கள் இருந்தால், வேறு யாரோ உங்கள் Wi-Fi-யைப் பயன்படுத்தும் வாய்ப்பு உள்ளது. அப்படியானால் உடனடியாக Wi-Fi கடவுச்சொல்லை மாற்றுவதுடன், SSID-யையும் மாற்றுவது பாதுகாப்பான நடவடிக்கையாகும்.

அதேபோல், ரவுட்டரில் WPA2 அல்லது WPA3 பாதுகாப்பு அமைப்பு செயல்பாட்டில் உள்ளதா என்பதை உறுதி செய்ய வேண்டும். WPS வசதி இயக்கப்பட்டிருந்தால் அதை அணைத்துவிடுவதும் நல்லது.

இந்த எளிய பாதுகாப்பு நடவடிக்கைகள் உங்கள் இணைய இணைப்பையும், தனிப்பட்ட தகவல்களையும் பாதுகாக்க உதவும்.